close
Sayahna Sayahna
Search

മഴ


മഴ
PranayamOralbum.jpg
ഗ്രന്ഥകർത്താവ് വി എം ഗിരിജ
മൂലകൃതി പ്രണയം ഒരാൽബം
രാജ്യം ഇന്ത്യ
ഭാഷ മലയാളം
വിഭാഗം കവിത
ആദ്യപതിപ്പിന്റെ പ്രസാധകര്‍ ചിത്തിര പബ്ലിഷേഴ്സ്
വര്‍ഷം
1997
മാദ്ധ്യമം പ്രിന്റ്
പുറങ്ങള്‍ 117
ISBN 81-86229-02-07
വായനക്കാരുടെ പ്രതികരണങ്ങള്‍ ഇവിടെ രേഖപ്പെടുത്തുക

മഴയത്തിറങ്ങാന്‍ മടി
ഇറങ്ങുംവരേക്കു മാത്രം..
മുടിയിലോടുന്ന വിരലായ്
ചുണ്ടിലമരും ചുണ്ടിനലിവായ്
കഴുത്തിന്റെ ശംഖിനെ
പൊതിയും പാലാഴിയായ്
മുലകളില്‍ ചരടറ്റു ചിതറിവീഴും
മുത്തുമണികളായ്
വയറില്‍ സുഖോഷ്ണപ്രവാഹമായ്,
തുടയില്‍
കാല്‍വണ്ണയില്‍
കാല്‍വിരലില്‍
സ്വയം മറക്കും
ജലനടനമായ്
ആനന്ദതാണ്ഡവമായ്
മഴ..

(സമകാലീന കവിത 7, 1995)