close
Sayahna Sayahna
Search

മൂകാംബിക


സെബാസ്റ്റ്യൻ

ചില്ലുതൊലിയുളള തവള
ChilluTholi-01.jpg
ഗ്രന്ഥകർത്താവ് സെബാസ്റ്റ്യൻ
മൂലകൃതി ചില്ലുതൊലിയുളള തവള
രാജ്യം ഇന്ത്യ
ഭാഷ മലയാളം
വിഭാഗം കവിത
ആദ്യപതിപ്പിന്റെ പ്രസാധകര്‍ മാതൃഭൂമി ബുക്സ്
മാദ്ധ്യമം അച്ചടിപ്പതിപ്പ്
പുറങ്ങള്‍ 64

മൂകാംബിക

തിരിച്ചുപോരുമ്പാള്‍
മുഖത്ത്
ഒന്നുരണ്ടുവട്ടം തൊട്ടു
മഴത്തുളളികള്‍.
മണ്ഡപത്തില്‍
ഞാന്‍ വിരിച്ചിട്ട ‘ഉളളിനെ’
അവള്‍ കണ്ടിരിക്കും.
രാത്രിയില്‍ അതില്‍
ഉറങ്ങിയിരിക്കും അവള്‍.
അവളില്‍ നിന്ന് കുങ്കുമമൂര്‍ന്ന്
‘ഉളള്’ മുഴുവന്‍ ചോന്നിരിക്കും.
അവിടെയിരുന്ന് വാഴ്ത്തട്ടെ
ഇനിമുതൽ പ്രതിഭകൾ;
പാടി, ആടി,
വരച്ച്, എഴുതി
നീര്‍ത്തി വിരിച്ച
എന്റെ ഉളളിലിരുന്ന്.