close
Sayahna Sayahna
Search

സ്പര്‍ശഭിക്ഷ


സ്പര്‍ശഭിക്ഷ
PranayamOralbum.jpg
ഗ്രന്ഥകർത്താവ് വി എം ഗിരിജ
മൂലകൃതി പ്രണയം ഒരാൽബം
രാജ്യം ഇന്ത്യ
ഭാഷ മലയാളം
വിഭാഗം കവിത
ആദ്യപതിപ്പിന്റെ പ്രസാധകര്‍ ചിത്തിര പബ്ലിഷേഴ്സ്
വര്‍ഷം
1997
മാദ്ധ്യമം പ്രിന്റ്
പുറങ്ങള്‍ 117
ISBN 81-86229-02-07
വായനക്കാരുടെ പ്രതികരണങ്ങള്‍ ഇവിടെ രേഖപ്പെടുത്തുക
വിരല്‍ത്തുമ്പില്‍ നിന്നരയാലിന്‍
ഹരിതാകാശം
പൊട്ടിപ്പിളരുന്നൂ,
ഇലകളിലോരോന്നിലും
പച്ചക്കടല്‍ തിമിര്‍ക്കുന്നു
എന്നുയിരതു കുടിക്കുന്നൂ…
എന്നിട്ടുമണയുന്നീലെന്‍ കനലുകള്‍
എനിക്കറിയാം
എന്‍ വിരല്‍ നിന്നെ തൊടുന്നില്ല,
നിന്റെ ചര്‍മ്മലോഹകവാടം
തുറക്കില്ലൊരിക്കലും
നീയലിയാത്തവന്‍
കരള്‍ കളയാത്തവന്‍
എനിക്കുവേണ്ടതു
നിന്റെ കണ്ണുകളിലെ തീയും നിലാവും,
ആരുമറിഞ്ഞിട്ടില്ലാത്ത
ആര്‍ക്കും പകര്‍ന്നിട്ടില്ലാത്ത
നിന്റെയുള്ളുറവുകള്‍,
നിന്‍മ…
പക്ഷേ
നീ തരുമീ സ്പര്‍ശഭിക്ഷ,
കയ്പും കനലും കറുത്ത നക്ഷത്രവും
‘ആനന്ദ’കാരുണ്യവും…
ഈ വിരല്‍ത്തുമ്പെന്നേകാന്തതയിലെരിയുന്നു.
പാപത്തിരിയായ്.