close
Sayahna Sayahna
Search

ചില്ലു തൊലിയുളള തവള


സെബാസ്റ്റ്യൻ

ചില്ലുതൊലിയുളള തവള
ChilluTholi-01.jpg
ഗ്രന്ഥകർത്താവ് സെബാസ്റ്റ്യൻ
മൂലകൃതി ചില്ലുതൊലിയുളള തവള
രാജ്യം ഇന്ത്യ
ഭാഷ മലയാളം
വിഭാഗം കവിത
ആദ്യപതിപ്പിന്റെ പ്രസാധകര്‍ മാതൃഭൂമി ബുക്സ്
മാദ്ധ്യമം അച്ചടിപ്പതിപ്പ്
പുറങ്ങള്‍ 64

ചില്ലുതൊലിയുളള തവള

ഇതാ
ചില്ലുതൊലിയുളള തവള!
അതിനുളളില്‍ ഒളിക്കാം.
പിന്‍കാലുകള്‍ ഭൂമിയില്‍ ഉറപ്പിച്ച്
മുന്‍കാലുകള്‍ നക്ഷത്രങ്ങളില്‍ സ്പര്‍ശിച്ച്
ഉടനെ അത് ചാടും;
മറ്റൊരു പ്രപഞ്ചത്തിലേക്ക്.
അവിടെ നമ്മള്‍ സ്വതന്ത്രര്‍
സ്നേഹിച്ച് മാത്രം ജീവിക്കാം.
അവിടെ വായുവിന്റെയും വെളളത്തിന്റെയും
ഭക്ഷണത്തിന്റേയും വിസര്‍ജനത്തിന്റേയും പേര്‍
സ്നേഹമെന്ന്.
മടുക്കുമ്പോള്‍
തിരിച്ചുകൊണ്ടുവരാന്‍
ചില്ലുതൊലിയുളള തവള
അവിടെ കാത്തുനില്ക്കും
ഉടനെ
ഒരുങ്ങുക.