close
Sayahna Sayahna
Search

സായൂജ്യം


സെബാസ്റ്റ്യൻ

ചില്ലുതൊലിയുളള തവള
ChilluTholi-01.jpg
ഗ്രന്ഥകർത്താവ് സെബാസ്റ്റ്യൻ
മൂലകൃതി ചില്ലുതൊലിയുളള തവള
രാജ്യം ഇന്ത്യ
ഭാഷ മലയാളം
വിഭാഗം കവിത
ആദ്യപതിപ്പിന്റെ പ്രസാധകര്‍ മാതൃഭൂമി ബുക്സ്
മാദ്ധ്യമം അച്ചടിപ്പതിപ്പ്
പുറങ്ങള്‍ 64

സായൂജ്യം

പല്ലികള്‍ മുറിച്ചിടുന്ന
വാലുകള്‍ ശേഖരിച്ച്
ചില്ലുകുപ്പിയില്‍ സൂക്ഷിച്ച്
ആണ്ടെത്തുന്നതിന്‍ മുന്‍പ്
നൂറെണ്ണം തികച്ചു.
വലിച്ചുകളയുന്ന ബീഡിക്കുററി
നൂറെണ്ണം പെറുക്കി
പല്ലിക്കുപ്പിയിലിട്ട്
കോര്‍ക്കിട്ടടച്ച്
പാമ്പിന്‍ പടംകൊണ്ട് പൊതിഞ്ഞു.
ഇനി
മററവന്റെ വീടിന്റെ
നടുമുററത്ത്
കൃത്യം പാതിരാത്രി കുഴിച്ചിട്ട്
തിരിഞ്ഞുനോക്കാതെ നടന്ന്
വേലിയേററത്തില്‍ പൊങ്ങി
കരകവിഞ്ഞ പുഴയില്‍
മുങ്ങിക്കുളിച്ചാല്‍
ഉദ്ദിഷ്ട കാര്യസിദ്ധി ഫലം.
സമാപ്തം