Cvr: Created page with "NOTITLENOTOC← വി.വി.കെ. വാലത്ത് – കവിയും ചരിത്രകാരനും {{SFN/Valath}}{{SFN/Valat..."

2019-08-07T08:43:53Z

Created page with "__NOTITLE____NOTOC__← വി.വി.കെ. വാലത്ത് – കവിയും ചരിത്രകാരനും {{SFN/Valath}}{{SFN/Valat..."

New page

__NOTITLE____NOTOC__← [[വി.വി.കെ. വാലത്ത് – കവിയും ചരിത്രകാരനും]]
{{SFN/Valath}}{{SFN/ValathBox}}{{DISPLAYTITLE:ഞാൻ ഇനിയും വരും}}
പ്രണയത്തിന്റെ പുസ്തകം അങ്ങനെ അടച്ചുവയ്ക്കാൻ കഴിയില്ല എന്നതിന് തെളിവാണ് വർഷങ്ങൾക്കു ശേഷം വാലത്ത് 36 ഖണ്ഡങ്ങളിലായി എഴുതിയ ‘ഞാൻ ഇനിയും വരും’ എന്ന കാവ്യം.

<poem>
: നീയെന്റെവികാരവും
: ഞാനതിലെ വിഷാദവുമാണ്.
: എനിക്കൊരു മുറിഞ്ഞ ഹൃദയമുണ്ട്.
: അതാണെന്റെ ആനന്ദം!’
</poem>
എന്ന് തികച്ചും റൊമാന്റിക് ആയി ആരംഭിക്കുന്ന കവിത,

<poem>
: “നിത്യ കന്യകേ,
: നിന്റെ പൂക്കൾ പൊഴിയാതിരിക്കട്ടെ,
: നിന്റെ ഹൃദയം പാറ പോലെ പരിമൃദുലവും,
: നിന്റെ സൌന്ദര്യം മഴവില്ലുപോലെ ശാശ്വതവുമാണ്.”
</poem>
എന്ന പ്രലപനത്തിലൂടെ ഒരു വിടപറച്ചിലിൽ എത്തുന്നു.

<poem>
: “പിരിഞ്ഞു പോകലെന്ന
: ആചാര മര്യാദയുടെ മദ്ധ്യേ
: നാം അവസാന ഭക്ഷണത്തിനിരുന്നു.
: നീയെനിക്കെതിരെ ഇരുന്നു. നിശബ്ദയായി.
: നിർവ്വികാരയായി. നിഗൂഢയായി.
: ഉള്ളിൽ ലഹള. ചുണ്ടിൽ മൂകത.
: ഒരു വാക്ക് നീ മൊഴിഞ്ഞില്ല.
: ഒരു പുഞ്ചിരി തൂകിയില്ല.
: ഒരു വാക്ക്. ഒരു നോക്ക്.
: ഞാനതിൽ ഒരു സായൂജ്യം കെട്ടിപ്പടുത്തേനെ.”
</poem>
ഒരു ട്രെയിനിംഗ് കോളേജിലെ ഹ്രസ്വകാല ശരാശരിപ്രണയത്തിനു അപ്പുറം ഇതിനു ആയുസ്സുണ്ടായിരുന്നില്ല. ഏതൊക്കെയോ പ്രതിബന്ധങ്ങളിൽ തട്ടി ആ പ്രണയം തകർന്നു. വാലത്ത് തഴയപ്പെട്ടു. ധീരമായി അന്തസ്സായി പിൻവാങ്ങുകയും ചെയ്തു! എങ്കിലും പ്രണയനൊമ്പരം വർഷങ്ങൾക്കു ശേഷവും കത്തിനിന്നു. ഹൃദയം കൊണ്ട് എഴുതിയ വരികളാണ് എന്നതാണ് ഈ കാവ്യത്തിന്റെ ആകർഷണീയത.

<poem>
: ‘നീയെന്റെ വികാരവും
: ഞാനതിലെ വിഷാദവുമാണ്.
: എനിക്കൊരു മുറിഞ്ഞ ഹൃദയമുണ്ട്.
: അതാണെന്റെ ആനന്ദം!’
</poem>
പക്ഷെ, അന്തിമയുദ്ധത്തിൽ വിജയം തനിക്കൊപ്പമായിരിക്കുമെന്നു അദ്ദേഹത്തിന് ഉറപ്പുണ്ട്. അങ്ങനെ ഒരു ദിവസം,

<poem>
: “കൈ നിറയെ വിജയവും കാൽ നിറയെ ചോരയും കൊണ്ട്
: ഞാൻ കയറി വരും.
: അന്ന് നീ
: ഈ നെറ്റിയിലെ വിയർപ്പു തുടക്കുമോ?…
: ഈ കവിളിലെ കണ്ണീരൊപ്പുമോ…?”
</poem>
എന്ന ചോദ്യത്തോടെ കാവ്യം അവസാനിക്കുന്നു. നെറ്റിയിലെ വിയർപ്പും കവിളിലെ കണ്ണീരും തുടയ്ക്കപ്പെടുകയില്ല, എന്നു അദ്ദേഹത്തിന് നന്നായറിയാം. കൈയിലെ വിജയവും കാലിലെ ചോരയും വിലപ്പോവുകയില്ലെന്നും ബോദ്ധ്യമുണ്ട്. കണ്ണീരും നൊമ്പരവും തനിക്കു മാത്രമുള്ളതാണെന്ന തിരിച്ചറിവിൽ വാലത്ത് അതിലാനന്ദം കണ്ടെത്തുകയായിരുന്നു.

<poem>
: നീലാകാശത്തിന്റെ ഞെട്ടിയിൽ നിന്നു
: നീയൊരു നക്ഷത്രം പോലെ
: പൊട്ടിവീണു.
: ഒരു തെന്നൽ പോലെ നീ വരികയും,
: ഒരു മിന്നൽ പോലെ നീ പോകയും ചെയ്തു.
: നീയെന്റെ മനസ്സിൽ ഒരു ഓട്ടയുണ്ടാക്കുകയും
: അതിൽ ഒളിച്ചിരിക്കുകയും ചെയ്തു.’
</poem>
‘ഞാൻ ഇനിയും വരും’ 1975-ൽ സമസ്തകേരള സാഹിത്യപരിഷദ് ഹാളിൽ വെച്ച് പ്രൊഫ. സുകുമാർ അഴീക്കോട്‌ പ്രകാശനം ചെയ്തു. അധ്യക്ഷൻ ടി. കെ. സി. വടുതല. എം. എം. ബഷീർ, ഓ. പി. ജോസഫ്, പോഞ്ഞിക്കര റാഫി, എൻ. കെ. ഏ. ലത്തീഫ്, തുടങ്ങിയവർ പ്രസംഗിച്ചു.
{{SFN/Valath}}

VVK Valath 22 - Revision history

Cvr: Created page with "__NOTITLE____NOTOC__← വി.വി.കെ. വാലത്ത് – കവിയും ചരിത്രകാരനും {{SFN/Valath}}{{SFN/Valat..."

Cvr: Created page with "NOTITLENOTOC← വി.വി.കെ. വാലത്ത് – കവിയും ചരിത്രകാരനും {{SFN/Valath}}{{SFN/Valat..."