close
Sayahna Sayahna
Search

കുഞ്ഞിക്കായ്ക്ക്


സെബാസ്റ്റ്യൻ

ചില്ലുതൊലിയുളള തവള
ChilluTholi-01.jpg
ഗ്രന്ഥകർത്താവ് സെബാസ്റ്റ്യൻ
മൂലകൃതി ചില്ലുതൊലിയുളള തവള
രാജ്യം ഇന്ത്യ
ഭാഷ മലയാളം
വിഭാഗം കവിത
ആദ്യപതിപ്പിന്റെ പ്രസാധകര്‍ മാതൃഭൂമി ബുക്സ്
മാദ്ധ്യമം അച്ചടിപ്പതിപ്പ്
പുറങ്ങള്‍ 64

കുഞ്ഞിക്കായ്ക്ക്

വണ്ടി വിട്ടപ്പോള്‍
കുഞ്ഞിക്കാ, ഒപ്പം നിങ്ങളും ഓടാന്‍ തുടങ്ങി
ഞാനിരിക്കും ജാലകത്തിലേക്ക്
പാളിപ്പാളി നോക്കി.
സ്റ്റേഷന്‍ കഴിഞ്ഞു
ഗ്രാമാന്തരങ്ങള്‍ പിന്നിട്ടു
എന്നിട്ടും എനിക്ക് കാണാനായി
അങ്ങ് അവിടെ തന്നെ നിന്നു.
ഇടയിലെ പാലങ്ങള്‍ പുഴകള്‍
ഇടുങ്ങിയ ഇടങ്ങള്‍
ഒന്നും അങ്ങേയ്ക്ക് തടസ്സമായില്ല.
അങ്ങയുടെ ഉടുപുടവകള്‍ കാററില്‍
പാറിപ്പാറി നീണ്ടുപടര്‍ന്നു.
കാലുകള്‍ നിലം തൊട്ടില്ല
മിന്നല്‍ പോലെ പാഞ്ഞു.
ഇപ്പോഴും പായുകയാണ്
വണ്ടി: അങ്ങേയ്ക്കെതിരെ
ഒരിടത്തും നിര്‍ത്താതെ
അങ്ങയെത്തന്നെ
നോക്കിയിരിക്കുന്ന
എന്നെയുംകൊണ്ട്.