close
Sayahna Sayahna
Search

വിരഹം


വിരഹം
PranayamOralbum.jpg
ഗ്രന്ഥകർത്താവ് വി എം ഗിരിജ
മൂലകൃതി പ്രണയം ഒരാൽബം
രാജ്യം ഇന്ത്യ
ഭാഷ മലയാളം
വിഭാഗം കവിത
ആദ്യപതിപ്പിന്റെ പ്രസാധകര്‍ ചിത്തിര പബ്ലിഷേഴ്സ്
വര്‍ഷം
1997
മാദ്ധ്യമം പ്രിന്റ്
പുറങ്ങള്‍ 117
ISBN 81-86229-02-07
വായനക്കാരുടെ പ്രതികരണങ്ങള്‍ ഇവിടെ രേഖപ്പെടുത്തുക
നക്ഷത്രം പിളരുന്ന ജലപാളികള്‍…
രാത്രി
രാത്രിയുടെ ജലതരംഗവാദ്യാലാപം
അതിലെന്‍ പ്രണയത്തിന്‍
ആനന്ദഭൈരവി
വിരഹത്തിന്‍
ദ്വിജാവന്തി…
തിരസ്കൃതപ്രണയം
കറുത്തിരുണ്ടൊഴുകും ഗസലുകള്‍…
പഴയൊരോര്‍മ്മയില്‍നിന്നൊരു
മിന്നല്‍ച്ചിത്രം…
വെള്ളം വീഞ്ഞായി-
ത്തുളുമ്പിയ പ്രണയം
ലോഹപ്രാകാരം
തിളങ്ങുന്നോരുടല്‍,
അതിലെന്റെ വിരലുകള്‍
ഇടം തേടി
വാതിലും വിജയവും വഴിയും
തേടിത്തേടി,
അലയുന്ന,ലിയുന്നു.
വിരലല്ലെന്‍
വാഴ്‌വിലെ
പ്രണയച്ചെടിത്തളിരിലകള്‍,
നനവുതേടും വേരിന്‍
ദാഹങ്ങള്‍,
ഉള്‍ക്കാമ്പുകള്‍.