ശാപം, ശൂന്യത, കാമം

ശാപം, ശൂന്യത, കാമം
ഗ്രന്ഥകർത്താവ്	വി എം ഗിരിജ
മൂലകൃതി	പ്രണയം ഒരാൽബം
രാജ്യം	ഇന്ത്യ
ഭാഷ	മലയാളം
വിഭാഗം	കവിത
ആദ്യപതിപ്പിന്റെ പ്രസാധകര്‍	ചിത്തിര പബ്ലിഷേഴ്സ്
വര്‍ഷം	1997
മാദ്ധ്യമം	പ്രിന്റ്
പുറങ്ങള്‍	117
ISBN	81-86229-02-07
വായനക്കാരുടെ പ്രതികരണങ്ങള്‍	ഇവിടെ രേഖപ്പെടുത്തുക

പറയുന്നൂ ശര്‍മ്മിഷ്ഠ
രാവ്…
സുഗന്ധപുഷ്പാവലി…
നിലാവൊഴുക്ക്…
ഏകാന്തത…
നീ കൈക്കൊള്ളുകെന്നെ.
ഈ പൂ മണക്കുക,
ഈ തളിര്‍ നുള്ളുക,
ഈ മുത്ത് പിളര്‍ക്കുക.
ശൂന്യാമാമുള്ളില്‍
ഇരുള്‍ മാത്രം മുനിയും മനസ്സില്‍
ഏഴാഴി കടന്നു,
ലോഹപ്പൂട്ടുകള്‍ പിളര്‍ന്നേതു
കാമം സൂര്യനെപ്പോലെ.
ഇരുളില്‍ ഞാനെന്റെ വിരലുകളാല്‍
എന്നെത്തന്നെയുഴിയുന്നു,
ഞാനെന്നെയറുക്കുന്നു,
ഞാനെന്നെ മണക്കുന്നു,
മുലകള്‍ പിടഞ്ഞുയരുന്നു,
വൃദ്ധകാമത്തിന്നലകള്‍
ചൂടായി മുറി പഴുക്കുമ്പോള്‍
പറയുന്നൂ രാത്രി,
“കഴുതക്കാമം കരഞ്ഞുതീര്‍ക്കുക…==
നാണംകെട്ട വിരലില്‍
ദേഹവടിവില്‍
നഗ്നവിരൂപതകളില്‍
കണ്ണീര്‍ മഴയായ് പെയ്തിട്ടും
അണയുന്നില്ലെന്റെ
സിരകളിലഗ്നി…
ശപിക്കപ്പെട്ടോള്‍ ഞാന്‍.

(1995)