നല്ല ഹൈമവതഭൂവില്‍

നല്ല ഹൈമവതഭൂവില്‍
ഗ്രന്ഥകർത്താവ്	വി എം ഗിരിജ
മൂലകൃതി	പ്രണയം ഒരാൽബം
രാജ്യം	ഇന്ത്യ
ഭാഷ	മലയാളം
വിഭാഗം	കവിത
ആദ്യപതിപ്പിന്റെ പ്രസാധകര്‍	ചിത്തിര പബ്ലിഷേഴ്സ്
വര്‍ഷം	1997
മാദ്ധ്യമം	പ്രിന്റ്
പുറങ്ങള്‍	117
ISBN	81-86229-02-07
വായനക്കാരുടെ പ്രതികരണങ്ങള്‍	ഇവിടെ രേഖപ്പെടുത്തുക

നല്ല ഹൈമവതഭൂവില്‍

രേവാനദിക്കരയില്‍

തമസാതീരത്ത്,

മാലിനീനദീതടത്തില്‍

കമിതാക്കള്‍ അലയുമിടങ്ങളില്‍

അലഞ്ഞലഞ്ഞ്

ഒരു ചോദ്യം മാത്രം…

അലിവാല്‍ താന്‍ താനേ

കൊടുക്കുമ്പോള്‍

ഉള്ളം, ഉയിര്‍,

ശരീരത്തിന്‍ പ്രകമ്പനങ്ങള്‍

നിന്നുയിര്‍ പകര്‍ന്നെന്നില്‍

ജ്വലിപ്പിക്കാനൊരു രാവിന്‍ കടം…

ഒരു കുഞ്ഞിക്കാലു പതിയാന്‍

ഇത്തിരിയിടം

എല്ലാമിരന്നിട്ടും,

തിരസ്കൃതയായ്

ഏകയായ്

അലഞ്ഞിട്ടുണ്ടോ?