ശേഷം

ശേഷം
ഗ്രന്ഥകർത്താവ്	വി എം ഗിരിജ
മൂലകൃതി	പ്രണയം ഒരാൽബം
രാജ്യം	ഇന്ത്യ
ഭാഷ	മലയാളം
വിഭാഗം	കവിത
ആദ്യപതിപ്പിന്റെ പ്രസാധകര്‍	ചിത്തിര പബ്ലിഷേഴ്സ്
വര്‍ഷം	1997
മാദ്ധ്യമം	പ്രിന്റ്
പുറങ്ങള്‍	117
ISBN	81-86229-02-07
വായനക്കാരുടെ പ്രതികരണങ്ങള്‍	ഇവിടെ രേഖപ്പെടുത്തുക

വിടചൊല്ലാതെയെന്നെപ്പിരിഞ്ഞു
നീ പോകവേ,
നിന്നെ ബന്ധിക്കുവാന്‍
എന്തുണ്ടിനി?
കണ്ണീര്?
ശൂന്യശൂന്യമാമുള്ളിലെ വേദന?
നിന്നെക്കൊതിച്ചു പൂവിട്ട
പാഴ്വൃക്ഷമാമെന്റെ ശരീരം?
വേരു ചിതലരിച്ചറ്റുവീഴും ജീവിതം?
നീ പോവരുതെന്നാര്‍ത്തു
കേഴുന്ന പ്രാണന്‍?
എന്നെ സ്നേഹിക്കൂ നീയെന്നു
നിരന്തരം
വിങ്ങുന്ന നെഞ്ചകം?
എന്തിനി നിന്നെ-
ത്തിരിച്ചു വിളിക്കുവാനെന്നില്‍?

(1994)