Difference between revisions of "Thurump-21"
(Created page with "__NOTITLE____NOTOC__← പി.രാമൻ {{SFN/Thurump}}{{SFN/ThurumpBox}} ==മൂക്കിലെ ട്യൂബ്…== <poem> മൂക്ക...") |
(No difference)
|
Latest revision as of 17:42, 16 October 2014
← പി.രാമൻ
തുരുമ്പ് | |
---|---|
ഗ്രന്ഥകർത്താവ് | പി.രാമൻ |
മൂലകൃതി | തുരുമ്പ് |
രാജ്യം | ഇന്ത്യ |
ഭാഷ | മലയാളം |
വിഭാഗം | കവിത |
ആദ്യപതിപ്പിന്റെ പ്രസാധകര് | ഡി.സി. ബുക്സ് |
വര്ഷം |
2006 |
മാദ്ധ്യമം | അച്ചടിപ്പതിപ്പ് |
പുറങ്ങള് | 52 |
മൂക്കിലെ ട്യൂബ്…
മൂക്കിലെ ട്യൂബ് വലിച്ചുകളയാന്
കയ്യുയര്ത്താതെ
ഒടുവില്
അച്ഛനുറങ്ങി
ദേഹത്തെ
ചുവന്നു പാകമായ മുറിവുകള്
അപ്പോഴും ഉണര്ന്നു കിടന്നു.
വാര്ഡിലെ മഞ്ഞവെളിച്ചത്തിന്
പെട്ടെന്നുണ്ടായ ഉദിപ്പില്
അവ തിളങ്ങി.
അരികെ
സ്റ്റൂളില്
എന്റെ കുഴഞ്ഞു മറിഞ്ഞ മയക്കം.
മയക്കം കണ്പോളകളിലുരുമ്മി
പെട്ടന്നു തെന്നി നീങ്ങുമ്പോഴത്തെ
വിടവിലൂടെ
അപ്പോള് ഞാന് കണ്ടു,
പാതിരാക്കറുപ്പില്നിന്നും ഒരനക്കം.
പുതുചര്മ്മത്തിന്റെ ഇളംവെണ്മ
മെല്ലെ നീങ്ങുകയാണ്.
ആശുപത്രിക്കെട്ടിടത്തിന്റെ പിന്പററി,
ചോരയുടെ ഓരം ചേര്ന്ന്,
ചുവപ്പിനും തവിട്ടിനും ഇടയിലൂടെ
മാറാവ്രണങ്ങള്ക്കു നേരെ.
|