മുലക്കച്ചകൾ

← രഞ്ജിത് കണ്ണൻകാട്ടിൽ

കിൻസുഗി — ഹൃദയം പുണരുന്ന മുറിവുകൾ
ഗ്രന്ഥകർത്താവ്	രഞ്ജിത് കണ്ണൻകാട്ടിൽ
മൂലകൃതി	കിൻസുഗി — ഹൃദയം പുണരുന്ന മുറിവുകൾ
രാജ്യം	ഇന്ത്യ
ഭാഷ	മലയാളം
വിഭാഗം	കവിത
ആദ്യപതിപ്പിന്റെ പ്രസാധകര്‍	സായാഹ്ന ഫൗണ്ടേഷൻ
വര്‍ഷം	2016
മാദ്ധ്യമം	പി‌‌ഡി‌‌എഫ്, മീഡിയവിക്കി പതിപ്പുകൾ
പുറങ്ങള്‍	80
വായനക്കാരുടെ പ്രതികരണങ്ങള്‍	ഇവിടെ രേഖപ്പെടുത്തുക

മുലക്കച്ചകൾ

കാട്ടിന്നു ചേർന്ന പിന്നാമ്പുറത്ത്
പേടിപ്പെടുത്തുന്ന നിശബ്ദതയിൽ,
ഇത്തിരിപ്പോന്ന ജനല്ക്കമ്പികളിൽ‍
കാറ്റുതടഞ്ഞും, പിടഞ്ഞും
അതിസാഹസികമായി കിടക്കാറുണ്ട്.
വഴിവക്കിലെ ജനലുകളാണെങ്കിൽ‍,
അയലത്തോ അകലത്തോ നിന്നുള്ളവരുടെ
കണ്ണുടച്ചാഞ്ഞുവരുന്ന
ലേസറുകൾ പൊള്ളിക്കും.

മെക്കിട്ടുകയറ്റത്തിനിടയിൽ ചിലപ്പോൾ
വലിഞ്ഞും മുറുകിയും
പുതുനൂലുകൾ പൊട്ടിത്തകരും.
ഒളിച്ചിരിപ്പാണു പണി, എങ്കിലും
അല്പമൊന്നു വെളിയിലായാൽ‍ തുടങ്ങും
ഇരുണ്ട ചുണ്ടാർദ്രമാകുന്ന ഊളനോട്ടങ്ങൾ.
നിറമൊന്നു കനത്ത്,
അല്പം നിഴലായിപ്പോയെങ്കിലും
പുറം ലോകം കാൺകെ വന്നാലുടൻ
അളവെടുപ്പും അവലോകനവും.
ബസ്സിൽ നിൽക്കേ
കക്ഷത്തിനിടയിലൂടല്പം ശ്വസിച്ചാൽ
ആത്മഹത്യയാണ് നല്ലതെന്ന് പോലും തോന്നും.

പറമ്പിലെ അയയിൽ തൂങ്ങുമ്പോൾ
ചില പൊലയാടിമക്കൾ
മുളകുപൊടി തൂവിപ്പോയിട്ടുണ്ട്.
മറ്റു ചിലവന്മാര്‍ കട്ടോണ്ടു പോയി
അവരുടെ…