‌← പി.രാമൻ

തുരുമ്പ്
ഗ്രന്ഥകർത്താവ്	പി.രാമൻ
മൂലകൃതി	തുരുമ്പ്
രാജ്യം	ഇന്ത്യ
ഭാഷ	മലയാളം
വിഭാഗം	കവിത
ആദ്യപതിപ്പിന്റെ പ്രസാധകര്‍	ഡി.സി. ബുക്സ്
വര്‍ഷം	2006
മാദ്ധ്യമം	അച്ചടിപ്പതിപ്പ്
പുറങ്ങള്‍	52

ഓരോ സുഷിരത്തിലും…

ഓരോ സുഷിരത്തിലും തിങ്ങിനിറഞ്ഞിരിക്കുന്നു
വലിയവരെക്കുറിച്ചുളള കഥകള്‍

മാളങ്ങളില്‍ പാര്‍ക്കുന്ന കൂററന്‍ ജന്തുക്കളെപ്പോലെ

തുറിച്ചുനില്ക്കുന്ന ഒരക്ഷരമാണ്
അതിന്റെ അടയാളം

അതു വലിച്ചു പുറത്തിടാന്‍ നോക്കൂ
നിങ്ങളുടെ കൈകള്‍
പിഞ്ചു കൈകളായി
കുഴയും

എന്റേതുപോലെ.