Thurump-05

‌← പി.രാമൻ

തുരുമ്പ്
ഗ്രന്ഥകർത്താവ്	പി.രാമൻ
മൂലകൃതി	തുരുമ്പ്
രാജ്യം	ഇന്ത്യ
ഭാഷ	മലയാളം
വിഭാഗം	കവിത
ആദ്യപതിപ്പിന്റെ പ്രസാധകര്‍	ഡി.സി. ബുക്സ്
വര്‍ഷം	2006
മാദ്ധ്യമം	അച്ചടിപ്പതിപ്പ്
പുറങ്ങള്‍	52

പഴങ്ങള്‍ മഴ…

പഴങ്ങള്‍
മഴ
പക്ഷിത്തൂവലുകള്‍
ആരോ ചുഴററിയെറിഞ്ഞ
ഉണ്ടക്കല്ലുകള്‍
എല്ലാം ഗതിമാറ്റി
ഇതിലേയാക്കി
മണ്ണിലേക്കുള്ള
തിടുക്കം.

മററുവഴികളില്‍
പൊയ്ക്കൊണ്ടിരുന്ന ഞാന്‍
ഒന്നു നോക്കിയപ്പോള്‍
എല്ലാം ഇതിലേ.

യന്ത്രപ്പക്ഷികള്‍ തൊട്ട്
പൊട്ടിത്തെറിക്കുന്ന വാക്കുകള്‍ വരെ വാളുകള്‍, തോക്കിലെ ഉണ്ടകള്‍
വരെ.

കാരണം തിരക്കി
നില്ക്കേണ്ട സമയം ഇതല്ല
ഞാനും ഗതിമാററി
ഇതിലേക്കാക്കി.

ഇതിലെ
എന്നുവെച്ചാല്‍ ഇതിലേ.
അല്ലാതെ എനിക്കെന്ത് ഇതിലേ!