ഏകാന്തത
← റിൽക്കെ
| റിൽക്കെ-09.07 | |
|---|---|
 | |
| ഗ്രന്ഥകർത്താവ് | മറിയ റെയ്‌‌നർ റിൽക്കെ |
| മൂലകൃതി | റിൽക്കെ |
| വിവര്‍ത്തകന്‍ | വി. രവികുമാർ |
| കവര്‍ ചിത്രണം | ഓഗസ്റ്റ് റോദാങ് |
| രാജ്യം | ആസ്ട്രോ-ഹംഗറി |
| ഭാഷ | ജർമ്മൻ |
| വിഭാഗം | കവിത/ലേഖനം (പരിഭാഷ) |
| ആദ്യപതിപ്പിന്റെ പ്രസാധകര്‍ | ഐറിസ് ബുൿസ്, തൃശൂർ |
വര്‍ഷം |
2017 |
| മാദ്ധ്യമം | അച്ചടി |
| പുറങ്ങള്‍ | 212 |
ഏകാന്തത മഴ പോലെയാണു്.
സന്ധ്യയാകുമ്പോഴതു് കടലിൽ നിന്നുയരുന്നു;
അതിവിദൂരസമതലങ്ങളിൽ നിന്നതാകാശത്തേക്കു പോകുന്നു
(ആകാശത്തിനതെന്നും സ്വന്തവുമായിരുന്നു).
പിന്നെയാണതകാശത്തു നിന്നു നഗരത്തിനു മേൽ പെയ്യുക.
ഒരന്തരാളനേരത്തു മഴ പെയ്തിറങ്ങുന്നു:
ആ നേരത്താണു് വക്രിച്ച തെരുവുകൾ ഉറക്കമുണരുക,
തേടിയതു കണ്ടെത്താതെ പോയ ഉടലുകൾ
വിഷാദികളും ഹതാശരുമായി അന്യോന്യം പിരിയുക,
തമ്മിൽത്തമ്മിൽ വെറുക്കുന്ന രണ്ടു പേർ
ഒരേ കിടക്ക പങ്കിടേണ്ടതും:
പിന്നെ, ഏകാന്തത പുഴയായൊഴുകുന്നു…
| ||||||