ചിത്ര
ഗ്രന്ഥകർത്താവ്	വി എം ഗിരിജ
മൂലകൃതി	പ്രണയം ഒരാൽബം
രാജ്യം	ഇന്ത്യ
ഭാഷ	മലയാളം
വിഭാഗം	കവിത
ആദ്യപതിപ്പിന്റെ പ്രസാധകര്‍	ചിത്തിര പബ്ലിഷേഴ്സ്
വര്‍ഷം	1997
മാദ്ധ്യമം	പ്രിന്റ്
പുറങ്ങള്‍	117
ISBN	81-86229-02-07
വായനക്കാരുടെ പ്രതികരണങ്ങള്‍	ഇവിടെ രേഖപ്പെടുത്തുക

ഞാന്‍ കാട്ടിലലയുകയായിരുന്നു…
നട്ടുച്ച പൊള്ളുന്ന ശരീരവുമായി
മണല്‍ക്കാറ്റുപോലെ
അലയുകയായിരുന്നു.
നിന്നെ…കണ്ടു, ആരെന്നറിഞ്ഞു.
അപ്പോഴാണ്
ഞാനൊറ്റയ്ക്കാണെന്നും
അതു നട്ടുച്ചയാണെന്നും
ശരീരം വരള്‍ച്ചയാണെന്നും
ഞാനറിഞ്ഞത്-
ഒരു തിളങ്ങുന്ന വെള്ളാരങ്കല്ലുപോലെ
എന്റെയുടല്‍ ഞാന്‍ കഴുകിയെടുത്തു.
നീ രാജകുമാരനാണെന്നും
രത്നാന്വേഷിയാണെന്നും
മനസ്സിലാക്കിയത്
വളരെ വൈകിമാത്രം.